Cousas de xentiña

Espectacular e moi emotivo o partido que se xogou hoxe para homenaxea-lo Súper Dépor no ano en que se celebran os cen anos de existencia do Deportivo. Aínda que se pedía a homenaxe ós xogadores míticos ó se retirar, mereceu moito a pena a espera para facer unha homenaxe por todo o alto. Unha mágoa que estes partidos só se poidan dar en momentos tan especiais.

Foi moi bonito volver ver a Bebeto golear, facendo os dous goles do Súper Dépor, a Djalminha facendo unha cola de vaca con cano a Fran ou a un impresionante Cholo de 62 anos corre-la banda e facendo dous centros á área.

Unha pena que algúns xogadores coma Mauro Silva, Alfredo ou Djukic non poideran asistir.

Este partido foi recorda-los partidos nos que todo estaba por vir, pero sabendo que algo importante viría. Recordar aqueles momentos de bágoas e ledicia. Queda un moi bo sabor de boca daqueles tempos: a inocencia de pensar que con merecer algo xa se tiña que obter.

chúzame