Cousas de xentiña

VDrift é un simulador de carreiras de código aberto. O nome deste xogo deriva de drift, unha técnica de condución consistente en derrapar. Tendo en conta de onde ver o seu nome, podemos pensar, acertadamente, que se presta especial importanza á correcta simulación da física dos coches. Unha das características deste xogo é a súa alta calidade gráfica dos circuítos, con moitos detalles que se agradecen.

As comparacións son odiosas, pero falando de simulación de carreiras e de software libre, temos que falar de TORCS. TORCS é un xogo feito e dereito, con moitos anos de desenvolvemento, mentres que VDrift aínda non ten ben dous anos de desenvolvemento. Isto nótase en algún que outro bloqueo que podemos atopar en VDrift e en que o sistema de varios xogadores está nunha fase moi inicial. A sensación é que VDrift se achega máis á realidade que TORCS.

chúzame

Carlos Ruíz Miguel, catedrático de Dereito Constitucional na Universidade de Santiago, publicou un artigo co título "Nuevo ataque al castellano en Galicia"[0]. Neste artigo afirma, como especialista na materia, que é anticonstitucional que unha lei a nivel galego estableza o deber de coñece-lo galego. Esta afirmación susténtaa no feito de que o artigo 3 da Constitución Española di:

El castellano es la lengua oficial del Estado. Todos los españoles tienen el deber de conocerla y el derecho a usarla [...] Las demás lenguas españolas serán también oficiales en las respectivas Comunidades Autónomas de acuerdo con sus respectivos Estatutos.

Deste artigo, Carlos Ruíz Miguel extrae que:

Todos los ciudadanos tienen derecho a usar la lengua castellana (y, por otro lado, no tienen el deber de conocer el gallego –ni el catalán–).

chúzame

Para empeza-lo ano, nada mellor que le-las propostas de melloras para python 3000. Python 3000 chamarase Python 3.0 cando saia (seguramente o ano que ven), unha versión que traerá cambios importantes na linguaxe xunto con incompatibilidades co código escrito para a versión actual (python 2.x). Mirando as cousas que non cambiarán, atopei esta xoia:

xose@debian:~$ python
Python 2.4.4 (#2, Oct 20 2006, 00:23:25)
[GCC 4.1.2 20061015 (prerelease) (Debian 4.1.1-16.1)] on linux2
Type "help", "copyright", "credits" or "license" for more information.
>>> from __future__ import braces
File "<stdin>", line 1
SyntaxError: not a chance
>>>

En resume, nuuuuuuuuuuuuuuunca haberá parénteses ({ ou }) en python (alomenos para separar bloques de código).

Relacionado: O Zen de python.

chúzame