Archive for marzo 14th, 2007
O software libre está lonxe de ser un movimento homoxéneo. Lonxe de ser unha desvantaxe, é unha grande avantaxe. Grazas a esta diversidade o software libre consegue adaptarse mellor ás necesidades propias de cada individuo. Así, temos distintos sistemas operativos (GNU/Linux, NetBSD, FreeBSD, OpenBSD, OpenSolaris, etc), distintos ambientes de escritorio (KDE, GNOME, XFCE, Blackbox, etc), etc.; en definitiva, onde escoller.
Esta diversidade non só se pode observar no software en si, senón que tamén nas licenzas que este ten. As licenzas máis significativas son a BSD (e derivadas) e a General Public License (GPL). A preferenza dunha sobre a outra é unha decisión principalmente política.
chúzame - 
Os de debian son xente de arraigadas costumes. Unha delas é sacar versións estables moi de vez en cando, outra é retrasa-las datas previstas para os lanzamentos das mesmas 
O equipo encargado do lanzamento de debian Etch acaba de anunciar que a seguinte versión estable de debian sairá o 2 de abril. Esta parece unha data máis fiable posto que quedan menos de 20 días!
O lanzamento estaba previsto para o 4 de decembro. Poderíase pensar en buscar o lado negativo deste retraso, pero ou prefiro unha ollada positiva: o cariño co que os desenvolvedores de debian realizan unha das distribucións máis perfectas de GNU/Linux. A perfección leva o seu tempo!
chúzame -