Cousas de xentiña

O outro día interesáronse polo código do oráculo que utilicei para face-las acertadas predicións sobre as recentes elecións xerais. Pois ben... aquí está. Está escrito en python, así que con copia-lo texto nun ficheiro (oracle.py, por exemplo) e executa-lo no intérprete de python xa teremos un oráculo plenamente funcional!

chuzame

Hai uns días produciuse un cambio nas X de debian sid. Este cambio provoca que a parte do driver en user-space xa non se poida cargar coas X e que, por tanto, non se pode levantar o modo gráfico. Antes o comando /usr/bin/Xorg -version devolvía coma versión a 7.1.0, pero agora devolve 1.3.0:

xose@debian:~$ /usr/bin/Xorg -version

X Window System Version 1.3.0
Release Date: 19 April 2007
X Protocol Version 11, Revision 0, Release 1.3
Build Operating System: Linux Debian
Current Operating System: Linux debian 2.6.21-2 #2 PREEMPT Thu Apr 26 22:48:45 CEST 2007 i686
Build Date: 21 April 2007
        Before reporting problems, check http://wiki.x.org
        to make sure that you have the latest version.
Module Loader present

Nos foros de rage 3d apareceu a forma de arranxalo; tan só dous comandos. Para a arquitectura x86-32:

sed -i 's/xe8xecx4fxfexffx85xc0x7fx31/xe8xecx4fxfexffx85xc0x90x90/' \
       /usr/lib/xorg/modules/drivers/fglrx_dri.so
sed -i 's/x0fx88x3cx09x00x00/x90xe9x3cx09x00x00/' \
       /usr/lib/xorg/modules/drivers/glrx_dri.so

Para a arquitectura x86-64:

sed -i 's/xe8xaax72xfexffx85xc0x7fx23/xe8xaax72xfexffx85xc0x90x90/' \
       /usr/lib/xorg/modules/drivers/fglrx_dri.so
sed -i 's/x0fx88x3bx08x00x00/x90xe9x3bx08x00x00/' \
       /usr/lib/xorg/modules/drivers/fglrx_dri.so

Eu probeino coa última versión do driver, a 8.36.5, na arquitectura x86-32 e funcionoume perfectamente.

Actualización: A versión 1:7.2-3 de xorg cambiou o directorio onde se gardan os drivers. Antes desta versión, o ficheiro fglrx_dri.so estaba no directorio /usr/X11R6/lib/modules/dri/ para a arquitectura x86-32 e no directorio /usr/X11R6/lib64/modules/dri/ para a arquitectura x86-64.

chuzame

Crear e manter un pacote para unha distribución non é unha tarefa doada. Crear un pacote require amplos coñecementos sobre o sistema de pacotes da distribución e coidado para pór as dependenzas correctas. Por outra banda, cada tipo de distribución ten o seu xeito particular de face-las cousas: así, as distribucións baseadas en .rpm crean un ficheiro na raíz do código fonte, mentres que as baseadas en .deb crean un subdirectorio cunha morea de ficheiros.

AGNIX publicou un artigo sobre a creación de pacotes deb onde se describe en profundiade como se crea un pacote debian, pero paréceme que para crear un pacote a nivel particular non é preciso meterse en tanto lío. Para facer un pacote para uso particular, sen preocuparse de dependezas, existe unha ferramenta chamada checkinstall que permite construír pacotes deb, rpm ou slackware de xeito moi doado.

chuzame

A páxina web de Python Sudoku ten un script para obter imaxes en formato PNG de sudokus que se poden engadir á nosa páxina web.

Cada día engádense 4 sudokus á base de datos, un para cada unha dos seguintes handicaps: 0, 5, 10 e 15. Mediante este script pódense obter tódolos sudokus.

O tamaño das imaxes é de 300x300, ocupando aproximadamente 6KBs, pero pódese obter unha versión de previsualización de 100x100, ocupando aproximadamente 2KBs.

chuzame

Para as capturas de pantalla dos posts sobre Xogos de código aberto necesito un programa que cada certo tempo faga unha captura de pantalla. Hai moitos que fan capturas de pantalla, pero o único que atopei que fixera varias foi xvidcap. Está pensado para facer vídeos de presentación, co que ten a opción de cuspir directamente en formato vídeo ou imaxes soltas. Hai un tempo dera conseguido que me funcionase, pero agora, cando o intentei, non o din nin compilado nin instalado os pacotes binarios que hai por ahí.

Acabei descubrindo que as X traen un programa que se encarga de facer capturas de pantalla. Chámase xwd e en debian atópase no pacote xbase-clients. Pode facer capturas de toda a pantalla ou de fiestras en particular, pero nun formato propio: "X Window Dump image data". Por sorte con Imagemagick poderémolo converter a calquera outro formato de imaxe máis normal.

chuzame